Lýsisskip strandaði í Sundunum á Ísafirði fyrir um kl. hálf níu í kvöld. Drapst á vél skipsins sem rak stefnið upp í sandbakka í firðinum. Björgunarskipið Gunnar Friðriksson og hafnsögubáturinn Sturla Halldórsson komu strax á staðinn. Búið er að draga skipið út og fór allt betur en á horfðist í fyrstu. Engan sakaði. Skipið liggur nú við bryggju og er verið að skoða það. Skipið, sem heitir Leoni Theresa, er 90 metra langt, um 2300 brúttótonn og siglir undir fána Gíbraltar. Um 12 manns eru áhöfn skipsins, sem er rússnesk.
Lýsisskipið Leoni Theresa á Eskifirði í síðustu viku
© myndir Þorgeir Baldursson 2008
